Bu gün səhər saatlarında İranın Buşehr əyalətinin Əsəluye şəhəri yaxınlığında zəlzələ qeydə alınıb.

Məlumatı "Azad İran" "Telegram" kanalı yayıb.

Məlumata görə, yeraltı təkanlar 4,9 bal gücündə olub və zəlzələnin episentri yerin 21 kilometr dərinliyində yerləşib.

Hazırda zəlzələnin törətdiyi mümkün dağıntılar və insan itkisi barədə məlumat verilmir.

Yerli hökumət qurumları hadisənin nəticələrini qiymətləndirmək üçün araşdırmalara başlayıblar.