İran və Pakistanın yüksək səviyyəli rəsmiləri iki ölkə liderlərinin iştirakı ilə müxtəlif sahələrdə 12 əməkdaşlıq sənədi imzalayıblar.

Bu barədə “Tasnim News” xəbər yayıb.

Qeyd olunub ki, İran Prezidenti Məsud Pezeşkianın Pakistana rəsmi səfəri çərçivəsində iki ölkənin yüksək səviyyəli rəsmiləri iki ölkə arasında əməkdaşlığın təşviqi və inkişafına zəmin yaratmaq üçün birgə görüş keçirib və müxtəlif sahələrdə 12 əməkdaşlıq sənədi imzalayıblar.

Sazişlər turizm, kənd təsərrüfatı, məhkəmə-hüquqi əməkdaşlıq, sənaye, elm və texnologiya, nəqliyyat və tranzit, mədəni irs, ticarət-iqtisadi əməkdaşlıq sahələrini əhatə edir.

İmzalanan sənədlər bilik mübadiləsinin təşviqi, ticarət potensialının inkişafı, millətlərarası əməkdaşlığın gücləndirilməsi və iki ölkə arasında regional sinerjinin gücləndirilməsi üçün zəmin yaradacaq.