Budapeşt Regional Prokurorluğu Macarıstanın Baş naziri Viktor Orbanı öldürməyə hazırlıq faktı ilə bağlı iş açıb.

Bu barədə "Index" məlumat yayıb.

İstintaqın müəyyən etdiyi kimi, saxlanılan şəxs 2025-ci ilin iyulunda Orban üçün "ən yaxşı muzdlu qatili" tapmaq məqsədilə sosial şəbəkələrdə çağırış edib və bunun əvəzini milli və ya xarici valyuta ilə ödəyəcəyini vəd edib.

Macarıstan hüquq-mühafizə orqanlarının əməkdaşları həmin şəxsin kimliyini müəyyən edərək onu saxlayıb və nəzarətə götürüblər. Şübhəli şəxs cinayət törətmək istədiyini etiraf edib.