Birləşmiş Ərəb Əmirliklərinin Prezidenti Şeyx Məhəmməd bin Zayed əl-Nəhyan Moskvaya gedib.
TASS xəbər verir ki, onu Əmirliyin yüksək səviyyəli nümayəndə heyəti müşayiət edir.
Məlumata görə, tərəflər əməkdaşlıq əlaqələrinin sonrakı inkişafı, beynəlxalq gündəmin aktual məsələləri, habelə Yaxın Şərqdə vəziyyət ətrafında müzakirələr aparacaq.
Rusiya Prezidenti Vladimir Putinlə görüşün mövzuları arasında isə ticarət, investisiya və energetika sahəsində əməkdaşlıq olacaq.
Moskvada BƏƏ Prezidentinin qarşılanma mərasimi olub.
