Dünyada aşkar edilən koronavirusa yoluxma hallarının sayı 400 milyonu ötüb.Senzor.az bildirir ki, xəbəri ABŞ-ın federal və yerli hakimiyyət orqanlarının, eləcə də medianın və digər açıq mənbələrin məlumatlarını ümumiləşdirən Cons Hopkins Universiteti yayıb.
Qeyd olunur ki, çərşənbə günü Bakı vaxtı ilə saat 03:00-a olan məlumata görə, dünyada qeydə alınan COVID-19-a yoluxma hallarının sayı 400 244 031-ə çatıb.
İnfeksiya yayılandan indiyədək 5 761 208 xəstə ölüb.
Koronavirusa 20 milyondan çox yoluxmanın aşkarlandığı ölkələrin siyahısında ilk üçlükdə ABŞ, Hindistan və Braziliya qərarlaşıb.
Azərbaycanda isə koronavirusa yoluxan 710 366 nəfərin 8 920-si ölüb, 653 797 xəstə sağalıb.
