Suriyanın keçid dövrü Prezidenti Əhməd Əl Şaraa Dəməşqdə ABŞ Nümayəndələr Palatası və Senatının nümayəndə heyəti ilə görüşüb.
Bu barədə Suriyanın SANA dövlət agentliyi məlumat yayıb.
Görüşdə Suriyanın xarici işlər naziri Əsəd əl-Şeybani və daxili işlər naziri Anas Xəttab da iştirak ediblər.
Agentlik görüşlə bağlı digər təfərrüatları açıqlamayıb. Lakin qeyd etmək lazımdır ki, bu, ötən ilin dekabrında Bəşər Əsəd rejiminin devrilməsindən sonra ABŞ qanunvericilərinin Suriyaya ilk səfəridir.
