Böyük Britaniya hakimiyyəti Qəzza zolağındakı vəziyyətlə əlaqədar İsrail nümayəndələrinin Londonda keçirilən böyük DSEI silah sərgisində iştirakını dayandırıb.

Bu barədə "Politico" nəşri mənbələrinə istinadən məlumat yayıb.

"İsrail hökumətinin Qəzza zolağında hərbi əməliyyatı daha da gücləndirmək qərarı yanlışdır. Bu baxımdan İsrail hökumətinin heç bir nümayəndə heyətinin dəvət olunmayacağını təsdiqləyə bilərik", - məlumatda sərginin nümayəndəsinə istinadən bildirilir.

Qəzetin mənbələri əlavə ediblər ki, qadağa yanlnız İsrail hökuməti Qəzza zolağında və digər mübahisəli ərazilərdə beynəlxalq humanitar hüquqa riayət etmək öhdəliyini nümayiş etdirəcəyi təqdirdə ləğv oluna bilər.