Hindistanın Baş naziri Narendra Modi bu ay ABŞ-da keçiriləcək BMT Baş Assambleyasının (BA) sessiyasında iştirak etməyəcək.

Bu barədə “Hindistan Times” məlumat yayıb.

Bildirilir ki, bu qərar Hindistan və ABŞ arasında gömrük tarifləri ilə bağlı artan gərginlik fonunda verilib.

Baş nazirin əvəzinə Hindistanı tədbirdə xarici işlər naziri Subrahmanyam Caişankar təmsil edəcək.

Qeyd edək ki, ABŞ Prezidenti Donald Tramp Ukrayna müharibəsi fonunda Hindistanın Rusiyadan neft almasına cavab olaraq Dehliyə qarşı "cəzalandırıcı" rüsumlar tətbiq edib.

Xatırladaq ki, BMT Baş Assambleyasının 80-ci sessiyası 23–29 sentyabr tarixlərində keçiriləcək.