ABŞ hakimiyyəti Tehranla razılaşdırılmış şəkildə 100-dən çox İran vətəndaşını ölkələrinə deportasiya edib.
Senzor.az Amerika mətbuatına istinadən bildirir ki, həmin şəxslər bir neçə ay miqrasiya mərkəzlərində saxlanıldıqdan sonra ölkədən çıxarılmaları barədə qərar qəbul edilib. Deportasiya edilənlərin əksəriyyəti ABŞ-dan sığınacaq almaq istəyənlərdir. Bəziləri isə miqrasiya statusu ilə bağlı məhkəmə qərarını gözləmədən ölkədən çıxarılıb.
KİV-in məlumatına görə, deportasiya edilən şəxsləri daşıyan təyyarə sentyabrın 29-da ABŞ-ı tərk edib.
Tehran İrana deportasiya edilən vətəndaşlara “sakit və təhlükəsiz qayıdış”, həmçinin onların “heç bir problem və nəticə ilə qarşılaşmayacaqları” barədə zəmanət verib.
