Ukrayna Prezidenti Volodimir Zelenski bu gün Kopenhagendə Avropa liderləri ilə görüşəcək.
Bu barədə "Reuters" Danimarkanın Baş naziri Mette Frederiksenə istinadən məlumat yayıb.
Məlumata görə, Zelenski bu gün həmçinin Avropa Siyasi Birliyi qarşısında çıxış edəcək. Tədbirdə təxminən 50 ölkənin rəhbəri və hökumət başçısı, eləcə də Avropa İttifaqının rəhbərləri iştirak edəcək.
Bundan əlavə, Ukrayna Prezidenti daha sonra Danimarka Baş naziri ilə birgə mətbuat konfransı keçirəcək və orada Avropa siyasətçiləri ilə görüşün nəticələri barədə məlumat verəcək.
