Niderland polisi ötən gün Haaqada icazəsiz keçirilən Fələstinə dəstək aksiyalarında 205 iştirakçını saxlayıb.

TASS xəbər verir ki, hüquq-mühafizə orqanlarının yaydığı məlumatda belə deyilir.

Aksiya Haaqa Mərkəzi Vağzalı və Xarici İşlər Nazirliyinin yerləşdiyi Reynstraat küçəsində keçirilib. Polisin aksiyanın dayandırılması tələbinə baxmayaraq, fəallar ərazini tərk etməyiblər.

Saxlanılanlar ictimai asayişi pozmaqda, hökumət nümayəndələrini təhqir etməkdə və polis əməkdaşlarına müqavimət göstərməkdə şübhəli bilinir.

İğtişaşların dağıdılması zamanı bir polis əməkdaşının xəsarət aldığı bildirilir.