Almaniya polisi Belçika hakimiyyətini "Elsenborn" hərbi bazası üzərində 15 pilotsuz uçuş aparatının (PUA) peyda olması barədə xəbərdar edib.
Bu barədə VRT NWS telekanalı mənbələrə istinadən xəbər yayıb.
Düren şəhərinin polisləri Belçika bazası üzərində dronları oktyabrın 3-nə keçən gecə görüblər.
Pilotsuz uçuş aparatları obyekt üzərindən uçub və Almaniya ərazisinə daxil olublar.
Qeyd olunur ki, Belçika Müdafiə Nazirliyi artıq hadisənin şərtlərini araşdırır. PUA-ların mənşəyini hələlik müəyyən etmək mümkün olmayıb.
