Gürcüstanın sabiq Baş naziri İrakli Qaribaşvili, Dövlət Təhlükəsizlik Xidmətinin keçmiş rəhbəri Qriqol Liluaşvili və keçmiş Baş prokuror Otar Partsxaladzenin evlərində axtarış aparılıb.
Senzor.az yerli KİV-ə istinadən bildirir ki, bu barədə Gürcüstanın Baş prokuroru Giorgi Qvarakidze keçirdiyi brifinqdə məlumat verib.
Onun sözlərinə görə, axtarış zamanı elektron cihazlar, sənədlər və müəyyən miqdarda pul müsadirə edilib.
Baş prokuror qeyd edib ki, hüquq-mühafizə orqanları həmçinin sabiq yüksək vəzifəli şəxslərlə əlaqəsi olan digər şəxslərin evlərində də axtarış aparıblar.
