Senator Rodriqo Paz Boliviyada keçirilən prezident seçkilərinin ikinci turunda qalib gəlib.
Senzor.az bildirir ki, bu barədə Cənubi Amerika ölkəsinin Ali Seçki Tribunalı məlumat yayıb.
Qeyd olunub ki, Mərkəzçi Xristian-Demokrat Partiyasının namizədi seçicilərin 54,61, onun rəqibi Jorje Qiroqa isə 45,4 faizinin etimadını qazanıb.
"Mən Rodriqo Paz Pereyranı Boliviyada ilk dəfə keçirilən tarixi ikinci tur nəticəsində Prezident seçilməsi münasibətilə təbrik edir və onun hökumətinə uğurlar arzulayıram", - deyə hazırkı Prezident Luis Arse "X" platformasında yazıb.
O qeyd edib ki, hakimiyyətin seçkilərlə formalaşmış bir hökumətdən digərinə ötürülməsi son 28 ildə ilk dəfə baş verəcək.
Xatırladaq ki, yeni Prezident vəzifəsinin icrasına noyabrın 8-də başlayacaq.
