Türkiyə Prezidenti Rəcəb Tayyib Ərdoğan 21-23 oktyabr tarixlərində Küveyt, Qətər və Omana rəsmi səfər edəcək.
Senzor.az yerli KİV-ə istinadən bildirir ki, bu barədə ölkənin Prezident Administrasiyası Kommunikasiya İdarəsinin rəhbəri Burhanettin Duran məlumat verib.
Qeyd olunub ki, Türkiyə lideri adıçəkilən ölkələrlə ikitərəfli münasibətlərin və mövcud əməkdaşlığın inkişaf etdirilməsi məqsədilə görüşlər keçirəcək.
Görüşlərdə regional hadisələrlə yanaşı, beynəlxalq məsələlər ətrafında da fikir mübadiləsi aparılması nəzərdə tutulur.
Səfərlər çərçivəsində ikitərəfli münasibətlərin möhkəmləndirilməsi məqsədilə bir sıra sazişlərin imzalanması planlaşdırılır.
