Türkiyənin xarici işlər naziri Mövlud Çavuşoğlu COVID-19 infeksiyasına yoluxub.Senzor.az bildirir ki, Türkiyəli diplomat bu barədə öz “Twitter” səhifəsində paylaşım edib.
M.Çavuşoğlu qeyd edib ki, koronavirus testinin nəticəsi pozitivdir: “COVID-19 testimin nəticəsi pozitiv oldu. Xəstəliyi yüngül keçirirəm. İşlərimi bir müddət evdən davam etdirəcəyəm. Allah bütün xəstələrə şəfa versin”.
Xatırladaq ki, bir müddət əvvəl Türkiyə Prezidenti Rəcəb Tayyib Ərdoğan və həyat yoldaşı Əminə Ərdoğan, ölkənin milli müdafiə naziri Hulusi Akar da koronavirusa yoluxmuşdular və artıq sağalıblar.
