Xəbər verdiyimiz kimi, Böyük Britaniya Baş naziri Keir Starmer Türkiyədə səfərdədir.

Senzor.az yerli KİV-ə istinadən bildirir ki, Türkiyə Prezidenti Rəcəb Tayyib Ərdoğan Ankarada Britaniya liderini rəsmi mərasimlə qarşılayıb.

Görüş zamanı Türkiyə-Böyük Britaniya münasibətləri, Rusiya-Ukrayna müharibəsi, Qəzzanın bərpası və “Eurofighter” döyüş təyyarələrinin alınması məsələləri əsas müzakirə mövzuları olub.

Danışıqların yekununda Türkiyə və Böyük Britaniya arasında 8 milyard funt sterlinq dəyərində 20 ədəd “Eurofighter” döyüş təyyarəsinin alışına dair müqavilə imzalanıb.

Bu barədə danışıqlardan sonra keçirilən birgə mətbuat konfransında məlumat verilib. O da bildirilib ki, iki ölkə arasında bir çox sahələrdə əməkdaşlığa dair razılaşmalar da əldə olunub.