Roma Papası XIV Leo noyabrın 27-dən dekabrın 2-dək Türkiyə və Livana səfər edəcək. Bu, onun may ayında Papa seçildikdən sonra İtaliyadan kənara ilk səfəri olacaq.
Bu barədə “Vatican News” məlumat yayıb.
Səfər Ankarada başlayacaq və Papa orada Türkiyə Prezidenti Rəcəb Tayyib Ərdoğanla görüşəcək, hökumət və vətəndaş cəmiyyəti nümayəndələri qarşısında çıxış edəcək. Bundan sonra o, İstanbula gedəcək, orada katolik ayinini icra edəcək və Göy Məscidi ziyarət edəcək.
Səfərin mərkəzində Roma Papasının Patriarx Varfolomey ilə görüşü olacaq. Onlar birgə bəyannamə imzalayacaq və İznikdə I İznik Şurasının 1700 illiyi ilə bağlı tədbirlərdə iştirak edəcəklər.
