Ermənistanın Baş naziri Nikol Paşinyan Astanaya rəsmi səfər edib.
Senzor.az yerli KİV-ə istinadən bildirir ki, bu barədə Qazaxıstan hökumətinin mətbuat xidməti məlumat yayıb.
Nursultan Nazarbayev adına Beynəlxalq Hava Limanında onu Qazaxıstanın Baş naziri Oljas Bektenov qarşılayıb.
Noyabrın 21-nə ikitərəfli əməkdaşlığın aktual məsələləri üzrə bir sıra görüşlər planlaşdırılıb.
Ermənistan Nazirlər Kabineti mətbuat xidmətinin daha əvvəl yaydığı məlumata görə isə N. Paşinyan səfər çərçivəsində Qazaxıstan Prezidenti Kasım-Jomart Tokayev ilə təkbətək söhbət aparacaq, daha sonra nümayəndə heyətlərinin geniş tərkibdə danışıqları keçiriləcək.
O, həmçinin Qazaxıstanın Baş naziri Oljas Bektenov və Məclisin sədri Erlan Koşanov ilə görüşlər keçirəcək.
Ermənistanın Baş naziri "Astana Ekspo" sərgisi çərçivəsində "Alem.ai" beynəlxalq süni intellekt mərkəzinə və Qazaxıstan Milli Muzeyinə baş çəkəcək.
