İranın sonuncu şahı Məhəmmədrza Pəhləvinin oğlu Rza Pəhləvi Tehranı ölkənin şimal bölgələrində baş verən meşə yanğınlarına biganəlikdə ittiham edib.

Teleqraf xəbər verir ki, bu barədə o, sosial media hesabında yazıb.

Pəhləvi bildirib ki, rejim milli sərvətləri ətraf mühit və təbii resursların qorunmasına yox, terrorizmin maliyyələşdirilməsi və dağıdıcı proseslərə xərcləyir: “İran rejimi Hirkan meşələrini məhv edən bu yanğın qarşısında biganədir, çünki bu anti-İran rejimi üçün İran təbiətinin minillik irsinin məhvi heç bir əhəmiyyət daşımır”.

Rza Pəhləvi qədim meşələrin yanmasını “bir neçə nəsil iranlının həyatının rejim tərəfindən məhv edilməsinə” bənzədib: “Ümid edirəm ki, İran xalqı bu fəsadlı yola son qoyacaq və bu zülm bitdikdən sonra ölkənin ətraf mühiti də xilasa qovuşacaq”.