Ukrayna ətrafındakı vəziyyət Avropada 1945-ci ildən bəri ən böyük müharibəyə səbəb ola bilər.Böyük Britaniyanın Baş naziri Boris Conson bunu BBC-yə açıqlamasında deyib.
"Gördüyümüz plan miqyasına görə 1945-ci ildən bu günə kimi Avropada baş verən ən böyük müharibəni xatırladır", - Conson deyib.
Onun sözlərinə görə, indi rus qoşunlarının Ukraynaya işğal etməsi ehtimalı yüksəkdir və Consonun fikrincə, bu, Belarus tərəfdən də Kiyevi mühasirəyə almaq üçün baş verəcək.
Conson hesab edir ki, bu hərəkətlərdən həm ukraynalılar, həm də ruslar əziyyət çəkəcəklər.
Böyük Britaniyanın Baş naziri daha bir mühüm məqama toxunub. O vurğulayıb ki, “NATO alyansın Rusiyaya qarşı təhlükə daşımadığına dair Rusiya Prezidenti Vladimir Putinə zəmanət verməyə hazırdır”.
“Əgər Prezident Putin hazırdırsa, qarşıda bir yol var. Onun gördüyünü iddia etdiyi təhlükələri müzakirə etmək olar...”, - deyə o əlavə edib.
