Ermənistanın Baş naziri Nikol Paşinyan 9-10 dekabr tarixlərində Almaniya Federativ Respublikasına rəsmi səfər edəcək.
Bunu “Armenpress”ə açıqlamasında Baş nazirin mətbuat katibi Nazeli Baqdasaryan deyib.
O, Berlinə səfərin gündəliyinin təfərrüatlarını açıqlamayıb.
Bununla belə, Almaniya hökumətinin nümayəndəsi Sebastyan Hille Kansler Fridrix Mertsin dekabrın 9-da Berlində Ermənistanın Baş naziri Nikol Paşinyanla görüşəcəyini bildirib.
Məlumata görə, görüş ikitərəfli iqtisadi əməkdaşlıq, regional məsələlər və Ermənistanla Azərbaycan arasındakı sülh prosesinə həsr olunacaq.
S.Hille onu da bildirib ki, danışıqların yekununda liderlərin birgə mətbuat konfransı keçirəcəkləri gözlənilir.
