Rusiya Prezidenti Vladimir Putin sabah Aşqabadda Türkiyə Prezidenti Rəcəb Tayyip Ərdoğanla görüşəcək.

Senzor.az yerli KİV-ə istinadən bildirir ki, bunu Kremlin rəsmi nümayəndəsi Dmitri Peskov deyib.

Onun sözlərinə görə, Putin 12 dekabrda Türkmənistanın paytaxtı Aşqabadda bir neçə tədbirdə iştirak edəcək.

"Sabah Prezident Aşqabadda işləyəcək, o, Türkmənistana səfərə hazırlaşır. Orada Beynəlxalq Sülh və Etimad İlinə həsr olunmuş beynəlxalq forum keçiriləcək. Prezidentin bu forum çərçivəsində bir sıra ikitərəfli görüşləri, o cümlədən Türkiyə Prezidenti Rəcəb Tayyip Ərdoğanla görüşü planlaşdırılır", - Kremlin sözçüsü bildirib.

Qeyd edək ki, dekabrın 12-də Aşqabadda Türkmənistanın daimi bitərəfliyinin tanınmasının 30-cu ildönümü ilə bağlı tədbirlər keçiriləcək.