Venesuela Prezidenti Nikolas Maduro istefa verəcəyi təqdirdə, ürəyi istəsə, Belarusa köçə bilər.

Senzor.az yerli KİV-ə istinadən bildirir ki, bunu Belarus lideri Aleksandr Lukaşenko deyib.

“Maduro heç vaxt bizim düşmənimiz və ya rəqibimiz olmayıb. O, Belarusa gəlmək istəsə - qapılarımız onun üzünə açıqdır”, - deyə Lukaşenko vurğulayıb.

Lukaşenko diqqətə çatdırıb ki, bu vaxta qədər Maduro ilə aralarında bu barədə söhbət olmayıb.

Maduronu Venesuelanın keçmiş lideri Uqo Çavezlə müqayisə edən Lukaşenko, onun güclü xarakterli insan olduğunu vurğulayıb.