Çin qanuni əsası olmayan birtərəfli sanksiyalara qarşı çıxır və Ukraynadan səhv addımlarını düzəltməsini tələb edir.
Teleqraf xəbər verir ki, bu barədə Çin Xarici İşlər Nazirliyinin sözçüsü Lin Sian Ukrayna Prezidenti Volodimir Zelenskinin Rusiya hərbi-sənaye kompleksi ilə əməkdaşlıqda şübhəli bilinən bir neçə Çin vətəndaşına sanksiya tətbiq etməsi ilə bağlı qərarını şərh edərkən bildirib.
“Çin ardıcıl olaraq beynəlxalq hüququ pozan, BMT tərəfindən təsdiqlənməmiş qanunsuz birtərəfli sanksiyalara qarşı çıxır və ciddi şəkildə Ukrayna tərəfini səhv addımlarını düzəltməyə çağırır”, - çinli diplomat deyib.
Lin Sian əlavə edib ki, Çin öz vətəndaşları və şirkətlərinin qanuni hüquq və maraqlarını qətiyyətlə qoruyacaq.
