Dünyada yeni növ koronavirusa (COVID-19) yoluxanların sayı son sutka ərzində 1 milyon 258 min nəfərə yaxın olub.Senzor.az bildirir ki, məlumatı pandemiyanın onlayn statistikasını aparan “worldometers.info” saytı yayıb.
Qeyd olunub ki, ötən 24 saat ərzində 1 milyon 257 min 914 nəfər yeni koronavirusa yoluxub, 6 min 395 nəfər isə pandemiyanın qurbanı olub. Bununla da yoluxanların ümumi sayı 426 milyon 258 min 832, ölənlərin sayı isə 5 milyon 909 min 263 nəfərə çatıb.
Ötən sutka ərzində virusa ən çox yoluxma halı (152 min 337 nəfər) və bu xəstəlikdən ölüm faktı (735 nəfər) Rusiyada qeydə alınıb.
Dünyada bu vaxtadək ən çox yoluxma halı isə ABŞ (80,1 milyon), Hindistan (42,8 milyon), Braziliya (28,2 milyon), Fransa (22,3 milyon), Böyük Britaniya (18,6 milyon), Rusiya (15,5 milyon), Almaniya (13,7 milyon) və Türkiyədə (13,5 milyon) qeydə alınıb.
