“İranda baş verənlər təkcə molla rejiminin devrilməsi ilə yox, ölkənin parçalanması ilə də nəticələnə bilər”.
ABŞ Dövlət Departamentinin sabiq əməkdaşı, analitik Pol Qobl bunu İranda davam edən etiraz aksiyalarını Teleqraf-a şərh edərkən deyib.
“İran xalqı heç vaxt ayətullalardan tam razı olmayıb. Onlar Xomeynidən əvvəl malik olduqları daha açıq cəmiyyəti bərpa etmək və dəyişiklik yaratmaq üçün fürsət görürlər. Artıq iki regional paytaxtı ələ keçiriblər, bu da dini rejimin devrilmə yolunda olduğunu göstərə bilər. Bu baş verərsə, İran etnik xətlər üzrə parçalanma riski ilə üzləşə bilər”, - keçmiş diplomat vurğulayıb.
