Yanvarın 9-na keçən gecədən başlayaraq Rusiya ordusunun Kiyevə dronlar və raketlərlə hücumu nəticəsində 4 mülki şəxs həlak olub, 20 nəfərdən çox insan isə xəsarət alıb.

Senzor.az yerli KİV-ə istinadən bildirir ki, bu barədə Ukraynanın xarici işlər naziri Andrey Sibiqa özünün “X” hesabında məlumat verib.

Sibiqa yaşayış məntəqələrinin, kritik infrastrukturun, enerji və su təminatı təsisatlarının hədəfə alındığını bildirib.

Ukrayna XİN rəhbəri Rusiyanın hücumlarına kəskin reaksiya verilməsini tələb edib və bu ölkəyə qarşı yeni sankisyaların tətbiq olunmasına çağırıb.