"Vaşinqton və Tehran islam respublikasının nüvə proqramı ilə bağlı razılığa gələ bilməsələr, ABŞ administrasiyası İrana qarşı sərt tədbirlər görəcək".
Bunu ABŞ Prezidenti Donald Tramp "Axios"a verdiyi müsahibədə deyib.
"Ya razılaşma əldə edəcəyik, ya da ötən dəfə olduğu kimi sərt tədbirlər görməli olacağıq", - D.Tramp 2025-ci ilin iyununda İranın nüvə obyektlərinə endirilən zərbələri xatırladıb.
Bundan əlavə, ABŞ Prezidenti Vaşinqtonun İran istiqamətində ikinci aviadaşıyıcı qrup göndərməyi düşündüyünü vurğulayıb.
