Rusiya ilə Ukrayna arasında yaranan böhranla əlaqədar olaraq Ukrayna vətəndaşlarına kömək məqsədilə Türkiyədən bu ölkəyə humanitar yardım göndərilir.Senzor.az bildirir ki, bu barədə Türkiyə Respublikası Daxili İşlər Nazirliyinin Təbii Fəlakət və Fövqəladə Hallar Agentliyi (AFAD) məlumat yayıb.
Məlumatda bildirilir ki, Ukraynada təcili humanitar ehtiyacların qarşılanması məqsədilə Türkiyədən bu ölkəyə qida, yorğan, yataq dəstləri, gigiyena vasitələrindən ibarət beş tır yardım göndərilir.
Qeyd edək ki, Ukraynaya humanitar yardım göstərilməsi ilə bağlı Ukrayna ilə Türkiyənin xarici işlər və müdafiə nazirləri arasında danışıqlar olub. Bununla bağlı Ukraynanın Ankaradakı səfiri Vasyl Bodnar AFAD rəhbəri Yunus Sezer ilə görüşüb.
