Avropa ölkələri ABŞ və İsrailin İrana qarşı əməliyyatına qoşulsalar, bu, “müharibə aktı” olacaq.
“Gulfnevs” xəbər verir ki, bunu İran Xarici İşlər Nazirliyinin nümayəndəsi İsmayıl Bəqai mətbuat konfransında deyib.
“Bu, müharibə aktı olardı. İrana qarşı hər hansı belə bir hərəkət təcavüzkarlara kömək kimi qiymətləndiriləcək. Bu, İrana qarşı müharibə aktı kimi qiymətləndiriləcək”, - deyə o qeyd edib.
Bundan əvvəl üç Avropa ölkəsinin – Böyük Britaniya, Fransa və Almaniyanın liderləri Yaxın Şərqdəki müttəfiqlərinə zərbələr endirməyə davam edərsə, İranı silahlı qüvvələrdən istifadə etməklə hədələmişdilər.
“Biz İranı bu ehtiyatsız hücumları dərhal dayandırmağa çağırırıq. Maraqlarımızı qorumaq üçün addımlar atacağıq”,-deyə Fransa Prezidenti Emmanuel Makron, Almaniya Kansleri Fridrix Merts və Böyük Britaniyanın Baş naziri Kir Starmerin bəyanatında deyilirdi.
