Livanın cənubundakı Nəbatiyə şəhərinə endirilən İsrail aviazərbəsi nəticəsində Rus Mədəniyyət Evinin yerləşdiyi bina tamamilə dağılıb.
Bu barədə TASS-a telefonla açıqlamasında qurumun direktoru Asaad Diya məlumat verib.
Onun sözlərinə görə, hadisə təxminən bir saat yarım əvvəl baş verib. Məlumata görə, ölən və yaralanan olmayıb.
Diya qeyd edib ki, hərbi əməliyyatlar başladıqdan sonra Nəbatiyə şəhərində vəziyyət təhlükəli olduğuna görə mərkəzin fəaliyyəti dayandırılıb və əməkdaşlar təxliyə olunub.
