“Enerji qiymətlərinin artması ilə Rusiya yeni maliyyə resursları əldə edəcək və Ukraynaya diqqətin azalmasından faydalanacaq”.
Senzor.az bildirir ki, bunu Avropa İttifaqı Şurasının prezidenti Antonio Koşta Aİ səfirlərinin konfransında deyib.
O qeyd edib ki, indiyə qədər İrandakı müharibədə qalib gələn yeganə ölkə Rusiyadır.
“Azadlıq və insan haqlarına bombalarla nail olmaq olmaz. Avropa İttifaqı Yaxın Şərq müharibəsinin bütün tərəflərini maksimum təmkin göstərməyə və danışıqlar masasına qayıtmağa çağırır”, - Koşta vurğulayıb.
Avropa Şurasının prezidenti əlavə edib ki, hazırkı vəziyyətdə Rusiya sülhü, Çin ticarəti pozur, ABŞ isə qaydalara əsaslanan beynəlxalq nizama meydan oxuyur.
A.Koşta eskalasiyanın daha da şiddətlənməsinin Yaxın Şərqlə birlikdə Avropanı və daha geniş regionu təhdid etdiyini də vurğulayıb.
