Rusiya Prezidenti Vladimir Putinin Çinə səfərinin tarixi tezliklə bəlli olacaq.

Senzor.az yerli KİV-ə istinadən bildirir ki, bu barədə Rusiya xarici işlər nazirinin müavini Andrey Rudenko açıqlama verib.

"Biz bunun üzərində işləyirik. Düşünürəm ki, tezliklə tarix açıqlanacaq", - nazir müavini Rusiya liderinin səfərinin vaxtı ilə bağlı suala cavab olaraq bildirib.

Qeyd edək ki, ABŞ prezidenti Donald Tramp Çinə səfərinin və ölkə lideri Si Cinpinlə keçirilməsi planlaşdırılan görüşün təxirə salındığını açıqlayıb.