Myanma İttifaq Assambleyasının (parlamentinin) nümayəndələrindən ibarət Seçicilər Kollegiyası bu gün Min Aun Hlaynı ölkənin prezidenti seçib.
Bu barədə "Xinhua" agentliyi məlumat yayıb.
Min Aun Hlayn 584 deputatdan 429-nun səsini qazanıb. O, dövlət başçısı postuna irəli sürülmüş üç namizəddən biri olub. Digər iki namizəd ölkənin vitse-prezidentləri olub.
Qeyd edək ki, Min Aun Hlayn 2011-ci ildən Myanma silahlı qüvvələrinə rəhbərlik edib və prezident postuna keçidlə əlaqədar baş komandan vəzifəsindən istefa verib.
