Macarıstanda keçirilən seçkilərdə qalib gələn "Tisa" partiyasının lideri Peter Madyar mayın 9-da ölkənin Baş naziri vəzifəsinin icrasına başlamaq üçün and içəcək.
Senzor.az yerli KİV-ə istinadən bildirir ki, bu barədə sosial şəbəkələrdəki səhifəsində Madyar özü məlumat yayıb.
"Mayın 9-da günün ikinci yarısında, Baş nazirin rəsmi andiçməsindən sonra Budapeştdə bayram tədbiri keçirəcəyik", - o yazıb.
Xatırladaq ki, Macarıstanda aprelin 12-də keçirilmiş seçkilərdə müxalif "Tisa" partiyası parlamentdəki 199 yerdən 141-ni qazanıb, hakim "Fides" partiyası isə 52 yer alaraq məğlub olub.
