Gələn həftə Yer kürəsinin sakinləri G1 səviyyəli maqnit qasırğalarını hiss edəcəklər.
Oxu.az bildirir ki, bu proqnoz Rusiya Elmlər Akademiyasının Kosmik Tədqiqatlar İnstitutunun Günəş Astronomiyası və Heliofiziki Cihazlar Laboratoriyası tərəfindən verilib.
Mütəxəssislərin proqnozlarına görə, aprelin 29-da və 30-da Yer kürəsi dalğalanmalara məruz qala bilər, lakin yaxınlaşan qasırğaların potensial maksimumu G1 səviyyəsindədir. Növbəti dəfə belə dalğalanmalar yalnız may ayının ortalarında gözlənilir.
Qeyd etmək lazımdır ki, G1 maqnit qasırğasının minimum səviyyəsidir. Alimlər maqnit qasırğalarını beş kateqoriyaya bölürlər - G1 zəif qasırğaları, G5 isə olduqca güclü qasırğaları əks etdirir.
