Ermənistanın yeni seçilən prezidenti Vaaqn Xaçaturyan martın 13-də Karen Dəmirçiyan adına İdman-Konsert Kompleksində and içəcək.Senzor.az yerli KİV-ə istinadən bildirir ki, Ermənistan parlamentinin andiçmə ilə bağlı xüsusi səyyar iclası məhz orada keçiriləcək.
Qeyd edək ki, Ermənistan qanunvericiliyinə görə, yeni prezident seçildikdən sonra 10-cu gündə Milli Assambleyanın növbədənkənar sessiyası çağırılır və o, orada and içərək, səlahiyyətlərinin icrasına başlayır.
Xatırladaq ki, Xaçaturyanın prezidentliyə namizədliyini hakim “Vətəndaç müqaviləsi” partiyasının fraksiyası irəli sürüb. Martın 3-də parlament ikinci turda gizli səsvermə yolu ilə Vaaqn Xaçaturyanı Ermənistan dövlətinin başçısı seçib.
