İran zənginləşdirilmiş uranın ölkə xaricinə çıxarma ehtimalını istisna edib və Beynəlxalq Atom Enerjisi Agentliyinin (BAEA) nəzarəti altında zənginləşdirmə səviyyəsini müstəqil şəkildə azaltmağa hazır olduğunu bildirib.

Bu barədə "Al Jazeera" mənbələrinə istinadən məlumat yayıb.

İran hökumət strukturlarındakı mənbələrə görə, ABŞ uranın zənginləşdirilməsinin mərhələli şəkildə dayandırılması üçün 20 illik müddət tələb edib, lakin Tehran bu şərti rədd edib.

İran uranın zənginləşdirilməsi səviyyəsini müstəqil şəkildə azaltmaq istədiyini açıqlayıb. Eyni mənbəyə görə, Vaşinqton İranın yüksək dərəcədə zənginləşdirilmiş uranın Rusiyaya təhvil verilməsi ideyasını rədd edib və mümkün alıcı kimi üçüncü bir ölkəni təklif edib.