Çin Sədri Si Cinpin və ABŞ Prezidenti Donald Tramp arasında Pekində keçirilən görüş başa çatıb.
Çin Mərkəzi Televiziyasının məlumatına görə, Böyük Xalq Yığıncaqları Zalında keçirilən görüşdə "Tesla" və "Apple" də daxil olmaqla, ABŞ-ın bir neçə böyük şirkətinin rəhbərləri də iştirak edib.
Məlumata görə, danışıqlar iki saatdan bir qədər çox davam edib.
**07:48
Çin Sədri Si Cinpinlə ABŞ Prezidenti Donald Tramp arasında görüş başlayıb.
Çin Mərkəzi Televiziyasının məlumatına görə, iki lider Pekindəki Xalq Yığıncaqları Zalında ikitərəfli və beynəlxalq məsələləri müzakirə etməyə başlayıblar.
Daha əvvəl Si Cinpin və Tramp Tyananmen Meydanı yaxınlığındakı Xalq Yığıncaqları Zalının Şərq Qapısında keçirilən qarşılanma mərasimində iştirak ediblər.
ABŞ Prezidentinin avtomobil karvanı Çanyansz küçəsi boyunca gəlib, sonra orada onu Çin Sədri qarşılayıb. İki lider əl sıxıb qısa salamlaşıblar.
Mərasim zamanı hərbi orkestr hər iki ölkənin dövlət himnlərini səsləndirib, bundan sonra liderlər fəxri qarovulun baxışında iştirak ediblər.
