Pakistan ordusunun komandanı general Asim Munir Tehrana səfər edib.
Senzor.az İran mediasına istinadən bildirir ki, Pakistan ordusunun komandanı Tehranla Vaşinqton arasında aparılan danışıqların irəlilədilməsi məqsədilə İrana gedib və yüksəkvəzifəli rəsmilərlə görüşlər keçirəcək.
Qeyd edək ki, Pakistan xeyli vaxtdır tərəflər arasında mövcud fikir ayrılıqlarının həlli üçün səylər göstərir. Bununla yanaşı, vurğulanır ki, A.Munirin səfəri danışıqların ilkin mərhələsində hər hansı qarşılıqlı anlaşmaya nail olmaq demək deyil.
Onu da xatırladaq ki, cari ilin 15 aprel tarixində feldmarşal Seyid Asim Munir vasitəçilik prosesinin irəlilədilməsi məqsədilə üç günlük Tehran səfəri etmiş və İranın yüksək səviyyəli mülki və hərbi rəsmiləri ilə görüşmüşdü.
