Pakistanın Baş naziri Şahbaz Şərif Çinə rəsmi səfərə gedib.
Senzor.az bildirir ki, bu barədə yerli KİV Pakistan Baş nazirinin dəftərxanasına istinadən məlumat yayıb.
Pakistan nümayəndə heyətinin tərkibinə xarici işlər naziri Məhəmməd İshaq Dar da daxildir.
XİN başçısı "X" hesabında qeyd edib ki, Pakistanın Baş naziri Xançjouda Çjetszyan əyalətinin partiya rəhbərliyi ilə görüşəcək.
Şərif həmçinin Pakistan və Çin şirkətləri arasında əməkdaşlığın inkişafı məqsədilə təşkil olunmuş biznes-forumda iştirak edəcək.
Dar qeyd edib ki, səfər çərçivəsində sazişlərin və anlaşma memorandumlarının imzalanması planlaşdırılır.
Bundan başqa, Pakistan Baş nazirinin iri Çin şirkətlərinin rəhbərləri ilə görüşləri olacaq.
Qeyd edək ki, Şərifin Çinə səfəri mayın 26-dək davam edəcək.
