Çin Sədri Si Cinpin və Pakistanın Baş naziri Şahbaz Şərif Pekində iki ölkə arasında tərəfdaşlığın hərtərəfli dərinləşdirilməsinin vacibliyini qeyd ediblər.
Bu barədə "Dawn" nəşri xəbər yayıb.
"Beynəlxalq vəziyyətdən asılı olmayaraq, Çin qonşu ölkələrlə diplomatiya çərçivəsində Pakistanla münasibətlərə həmişə önəm verib", - deyə Çin Sədri bildirib.
Öz növbəsində, Şahbaz Şərif Yaxın Şərqdə sülhə töhfə verilməsində və atəşkəsə nail olunmasında Pakistana verdiyi dəstəyə görə Çin liderinə təşəkkür edib.
Qeyd edək ki, bu gün Pakistanın Baş naziri Çin Dövlət Şurasının Sədri Li Tsyanla görüşüb və onu Yaxın Şərqdəki münaqişənin nizamlanması üçün danışıqlar prosesi barədə məlumatlandırıb. O qeyd edib ki, İslamabad və Pekin bu regionda sülhün bərpası üçün səylərini birləşdirməlidir.
Şahbaz Şərif Çində dördgünlük rəsmi səfərdədir.
