Ukrayna ilə Rusiya arasında danışıqların üçüncü raundu martın 7-də baş tuta bilər.Bu barədə pravda.com məlumat yayıb.
Qeyd olunub ki, Ukrayna tərəfi bununla bağlı Rusiyanın təsdiqini gözləyir. Sözügedən tarix Ukrayna nümayəndə heyəti tərəfindən təklif olunub.
Hələlik danışıqların yeri və saatı barədə ilkin informasiya verilməyib.
Ukrayna Prezidenti Ofis rəhbərinin müşaviri Mixail Podolyak isə “RİA Novosti”yə bildirib ki, görüş növbəti bir-iki gündə olacaq: “Biz digər məsələlərlə yanaşı, danışıqlar prosesinin bir hissəsi kimi, lazım gələrsə, düzəlişlər etmək üçün humanitar dəhlizlərin necə işləməyə başladığını qiymətləndiririk”.
Müşavirin sözlərinə görə, Ukrayna nümayəndə heyətinin tərkibində dəyişiklik nəzərdə tutulmayıb.
