Cənubi Kipr Prezidenti Nikos Xristodulides ilk dəfə Qazaxıstana səfər edib.
Senzor.az yerli KİV-ə istinadən bildirir ki, Kipr Respublikası Prezidentinin rəsmi qarşılanma mərasimi İstiqlal Sarayında keçirilib.
Tədbir çərçivəsində Qazaxıstan Prezidenti Qasım-Jomart Tokayev və Nikos Xristodulides rəsmi nümayəndə heyətinin üzvlərini bir-biri ilə tanış ediblər.
Fəxri qarovul dəstəsi rəisinin raportundan sonra Qazaxıstan və Kiprin dövlət himnləri səsləndirilib.
Sonra Qazaxıstan və Cənubi Kipr prezidentləri arasında görüş başlayıb.
Məlumatda o da bildirilir ki, Qazaxıstan və Cənubi Kipr arasında müxtəlif sahələrdə əməkdaşlığın dərinləşdirilməsinə yönəlmiş ikitərəfli sənədlərin imzalanması planlaşdırılır.
