Türkiyə Prezidenti Rəcəb Tayyib Ərdoğan Kərkük valisi Mehmet Seman Ağa ilə görüşüb.

Senzor.az yerli KİV-ə istinadən bildirir ki, görüş Prezidentin İstanbuldakı Dolmabahçe sarayında keçirilib.

Görüşdə hakim AK Partiyanın sədr müavini Kürşad Zorlu da iştirak edib.

Prezident Ərdoğan Kərkükdə sülhün və əmin-amanlığın davam etməsinin İraqın gələcəyi üçün böyük əhəmiyyət kəsb etdiyini və Türkiyənin bu yöndə dəstəyinin güclü şəkildə davam edəcəyini bildirib. O, həmçinin təxminən 100 ildən sonra Kərkükdə bir türkmən valisinin olmasının əhəmiyyətinı toxunub.

İraq Türkmən Cəbhəsinə rəhbərlik edən vali Ağa Türkmən icmasının Prezident Ərdoğana Kərkükə verdiyi dəstəyə görə minnətdarlığını çatdırıb.