Rusiya Hava Hücumundan Müdafiə qüvvələri sutka ərzində Moskva yaxınlığında 60-a qədər pilotsuz uçuş aparatını (PUA) məhv edib.
Senzor.az yerli KİV-ə istinadən bildirir ki, bu barədə Moskvanın meri Sergey Sobyanin məlumat verib.
Onun sözlərinə görə, hücum nəticəsində Moskva Neft Emalı Zavodunun (NEZ) obyektlərindən biri zədələnib. Xəsarət alan olmayıb.
Obyekin ərazisində və qalıqların düşdüyü yerlərdə xüsusi xidmət orqanları çalışır.
"Rosaviasiya"nın məlumatlarına görə isə, səhər saatlarından Moskvanın "Vnukovo" hava limanı təyyarələri nə qəbul edir, nə də yola salır, "Domodedovo" hava limanı müvəqqəti olaraq işləmir. "Şeremetyevo"ya gəlincə, o, uçuşlara yalnız razılaşma əsasında xidmət göstərir.
