"Yeddilik Qrupu" (G7) ölkələri ABŞ və İran arasında əldə edilən razılaşmaları dəstəkləyir və onların həyata keçirilməsinə kömək etməyə hazırdırlar.
Senzor.az bildirir ki, "G7" ölkələri liderlərinin geosiyasi məsələlərlə bağlı birgə bəyanatında belə deyilir.
"Biz Yaxın Şərqdə mövcud olan irəliləyişi və imkanları görürük", - deyə sənəddə vurğulanıb.
"ABŞ Prezidenti Donald Trampın qətiyyətli rəhbərliyi və vasitəçi ölkələrin dəstəyi ilə əldə edilən və İranın nüvə silahı əldə etməsinin qarşısını almaq və bölgədəki fəaliyyətləri və ballistik raketlərin hazırlanması ilə bağlı təhdidləri aradan qaldırmaq üçün tarixi bir fürsət yaradan ABŞ-İran razılaşmasının elan edilməsini alqışlayırıq. Biz həmin razılaşmaları dəstəkləyir və bildiririk ki, onların həyata keçirilməsinə töhfə verməyə hazırıq", - deyə bəyanatda qeyd olunub.
