Avropa Şurası Parlament Assambleyası Gürcüstanla bağlı tənqidi qətnamə qəbul edib.
Senzor.az Gürcüstan mediasına istinadən bildirir ki, AŞPA-nın 83 deputatı qətnamənin lehinə, 5-i əleyhinə səs verib, 4 nəfər isə bitərəf qalıb.
Qətnamə layihəsində qeyd olunur ki, Gürcüstanda demokratik geriləmə, vətəndaş cəmiyyətinə, siyasi müxalifətə və fərqli düşüncəyə qarşı təzyiqlər azalmır.
“Gürcüstanda demokratiyanın davam edən çöküşü və Assambleyanın bu məsələni həll etmək üçün tövsiyələrinə cavab verilməməsi hökumətin Gürcüstanın üzvlük öhdəliklərini yerinə yetirməyə və Avropa Şurasına qoşulmağa hazırlığına ciddi şübhələr yaradır”, - deyə sənəddə vurğulanır.
**10:50
Bu gün Avropa Şurası Parlament Assambleyasında (AŞPA) Gürcüstanla bağlı müzakirələr keçiriləcək.
Senzor.az bildirir ki, qurumun saytında bununla bağlı məlumat yerləşdirilib.
"Gürcüstanda Demokratik Təsisatların Fəaliyyəti" adlı hesabatı məruzəçilər Edit Estrella və Sabina Çudiç təqdim edəcəklər.
Bu gün səsverməyə çıxarılacaq qətnamə layihəsində Gürcüstan ciddi tənqid olunur.
