Pakistanda 5,5 maqnitudalı zəlzələ baş verib.
NDTV bildirib ki, bu barədə ölkənin Milli Seysmologiya Mərkəzi məlumat yayıb.
Zəlzələnin episentri təxminən 236 000 əhalisi olan Dera-Qazi-Xan şəhərindən 91 km şimal-qərbdə, ocağı isə 35 km dərinlikdə yerləşib.
Hələlik itki və ya dağıntılar barədə məlumat yoxdur.
Qeyd edək ki, bundan bir neçə saat əvvəl, cümə günü axşam saatlarında ölkədə 5,3 maqnitudalı zəlzələ qeydə alınmışdı. Milli Seysmologiya Mərkəzinin məlumatına görə, onun ocağı 75 km dərinlikdə olmuşdu.
